21 фев 08:32
Янгиликлар

Бокс/ММА

Мелиқўзиев рингга чиқадиган бокс оқшомининг асосий жанги иштирокчилари ҳам тарозидан ўтди

Эртага тонг саҳарда АҚШнинг Невада штати Лас-Вегас шаҳрида The Ring: High Stakes профессионал бокс турнири бўлиб ўтади.

Оқшом иштирокчилари анъанага кўра, тарозидан ўтиш ва сўнгги face to face маросимларида ҳозир бўлишди. Кечанинг асосий жанги яримўрта вазн тоифасида ўтказилади ва унда WBC чемпиони Марио Барриос яна бир таниқли боксчи Райан Гарсияга қарши рингга кўтарилади.

Ҳар икки чарм қўлқоп устаси белгиланган вазн меъёрини бажарди. Чемпион - 66,7 кг, даъвогар эса 66,5 кг вазн қайд этди.

Ушбу бокс турнири кардидан яна иккита чемпионлик жанги ўрин олган бўлиб, ушбу баҳс иштирокчилари ҳам тарози маросимидан муваффақиятли ўтиб олишди.

IBF камари учун жанг: Ричардсон Хитчинс (63,5 кг) – Оскар Дуарте (63,5 кг)

WBA камари учун жанг: Гэри Антуан Расселл (63,5 кг) – Энди Хиарока (63,3 кг)