Мен Чен - Токио-2020 Олимпия ўйинлари ғолиби

Кеча аёллар ўртасида стол тенниси баҳсларининг финал учрашуви бўлиб ўтди. Ҳал қилувчи баҳсда икки нафар хитойлик спортчилар тўқнаш келишди. Сайёрамизнинг биринчи рақамли стол теннисчиси Мен Чен ҳамюрти Ин Ша Сунга қарши баҳс олиб борди. Олти сет давом этган учрашувда Мен рақибасини 4:2 (9:11, 11:6, 11:4, 5:11, 11:4, 11:9) ҳисобларида мағлуб этди ва яккалик баҳсларида олтин медални қўлга киритди. Мусобақаларнинг учинчи ўрнидан Япония вакиласи Мима Ито эгаллади.