23 апр 13:15
Янгиликлар

Теннис

Фомин Shymkent Men турниридаги юришини бошлади

Қозоғистоннинг Шимкент шаҳрида теннис бўйича ITF M15 тоифасига кирувчи турнирнинг асосий тўр баҳслари старт олди.

Ушбу мусобақада теннисчиларимиз ҳам ўз имкониятларини синаб кўришяпти. Ҳозиргина мамлакатимизнинг иккинчи ракеткаси Сергей Фомин турнирдаги илк учрашувини якунлади. Ҳамюртимиз 77 дақиқа давом этган 1/16 финал баҳсида россиялик 23 ёшли Павел Вербинни ортиқча қийинчиликсиз мағлуб этди - 6/4, 6/0.

Таққослаш учун, Шимкент турнирининг биринчи ракеткаси бўлган Фомин ҳозирда ATP рейтингида 461, Вербин эса 1118-ўринни эгаллаб турибди. Бу теннисчиларнинг ўзаро ўтказган илк учрашуви эди. Унинг 1/8 финалдаги рақиби яна бир ҳамюртимиз Максим Шин бўлиши мумкин.