"Мен қилган хатони сен такрорлама". Сен-Пьер Махачевга маслаҳат берди

"Майкл Биспинг билан жанг олдидан мен қилган хатони сен такрорлама. Мен вазн тўплашга ҳаракат қилиб, танамни қаттиқ қийнадим. Ўзимни ёмон ҳис қилганман. Табиий равишда вазн ошириш жуда қийин. Мен ўзимни мажбурлаб овқат еганман — кунига беш марта еганман ва бу менга катта зарар келтирган.

Шунинг учун менинг вазн оширмоқчи бўлган жангчиларга маслаҳатим — буни қил, лекин ўзингни мажбурлаб овқат ема. Энг аввало, ўз маҳоратингни ривожлантиришга эътибор бер", — деди канадалик жангчи.