Менежер UFC Роман Копилов учун катта режалар тайёрлаб қўйганини айтди

"Иккаламизнинг жанг қилиш услубимиз ўхшаш. Иккаламиз ҳам ажойиб зарба берамиз ва одамлар стойкадаги жангларни яхши кўрадилар. Ўйлайманки, биз ажойиб жанг ўтказамиз. Биз ўзимизни синаб кўриш ва кўпроқ нарсага эришиш учун келдик. Шунинг учун мен ўз кучимни синаб кўрмоқчиман. Агар лигага қизиқ бўлса, қани кетдик!"- деди Копилов. 

Копиловнинг менежери Александр Скаредин РБ Спорт нашрига берган интервьюсида россиялик жангчининг келажакдаги истиқболлари ҳақида гапирди.

"Биз ҳаммамиз кўрдикки, турнир олдидан Дана Уайт кардни эълон қилар экан, бу жангни алоҳида ажратиб, Романни алоҳида тилга олди. Мик Мейнард олдимизга келиб, бизни ғалаба билан табриклади ва UFCʼнинг Роман учун катта режалар борлигини, шунинг учун биз буни секин-аста бажарамиз деди.

Албатта улар Стриклендни дарҳол бериш эҳтимоли жуда кичик. Рейтингдаги йигитлар учун UFC кўпинча бир нечта режалар тузади. Келажакда бу қарама-қаршилик юз бериши мумкин. Рейтинг янгилагандан сўнг Романнинг 15 таликка киришини кутаман. Шахсан ўзим унинг Крис Кертис билан жангини катта завқ билан кузатган бўлардим" - деди менежер.