"Мени фалаж қилиб қўйиши мумкин эди". Оливейра фаолиятини якунлаши мумкин бўлган жангни эслади

Лас-Вегас (АҚШ) шаҳрида бўлиб ўтадиган ва уларнинг реванши асосий жанг сифатида ўтказиладиган UFC 326 турнири олдидан бразилиялик спортчи ўша пайтда фаолияти учун жиддий хавотир олганини тан олди.

Эслатиб ўтамиз, жангчиларнинг биринчи тўқнашуви муддатидан аввал якунланган эди — Оливейра жароҳат олганидан сўнг уни замбилга солиб аренадан олиб чиқишган.

"Жанг вақтида танамнинг чап томони ҳаракатсиз бўлиб қолди. Нима бўлгани аниқ эмас эди, шунинг учун қизилўнгач ва бошқа нарсалар ҳақида гап-сўзлар тарқалди. Аслида эса бу бўйин жароҳати эди. Шу сабабли мени фалаж қилиб қўйиши мумкинлиги ҳақида ҳам гапиришди. Демак, бу ҳазил эмас эди. Тез ёрдам машинасида йигитлар томчи улагич қўйишга уринишарди, аммо мен чап томонимни умуман ҳис қилмасдим. Ўша пайтда фаолиятим тугади, деб қаттиқ қўрққандим", — деди Оливейра New York Post Sports каналига берган интервьюсида.