01 мар 16:24
Янгиликлар

Бокс/ММА

Мэнни Пакьяо 14 апрель куни рингга чиқмайдиган бўлди

Саккиз вазн тоифасида собиқ жаҳон чемпиони Мэнни Пакьяо 14 апрель куни Top Rank компанияси томонидан ўтказиладиган бокс оқшомида рингга чиқмайди.

Ушбу бокс оқшомининг марказий жанги ярим ўрта вазн тоифасида WBO йўналиши чемпиони австралиялик Жефф Хорн ҳамда ушбу камарга расмий ва мажбурий даъвогар америкалик Теренс Кроуфорд ўртасида бўлиб ўтади. Филиппинлик боксчи ушбу оқшомнинг нуфузи жиҳатидан иккинчи жангида рингга чиқиши керак эди.

Бу маълумотни ringtv.com сайтига берган интервьюсида Пакьяонинг Филиппин Сенатидаги матбуот котиби Зонио Аквилес тасдиқлади. Котибнинг сўзларига кўра, Пакьяо учун муҳимлиги жиҳатидан иккинчи жангда рингга кўтарилиш бу ҳақорат экан.