Мэнни Пакьяо: "Хабиб - намуна! Конорни уриб қўяверардим"

Филиппинлик афсона агар имкониятга эга бўлса, рингда ким билан тўқнаш келишни афзал кўриши ҳақидаги саволга жавоб берди - Конор Макгрегор биланми ёки Хабиб Нурмагомедов?

"Мен Макгрегор билан жангни танлаган бўлардим. У жуда кўп гапиради ва мен унинг овозини ўчирмоқчиман. Хабиб яхши йигит, у яхши одам. Камтарин ва бошқаларни илҳомлантиради. У спортда тақлид қилиш учун ажойиб намуна. Макгрегор билан эса жанг қилган бўлардим", - деди филиппинлик IBA Boxing`га берган интервьюсида.

Мейвезер ва Пакьяо ўртасидаги реваншни ташкил этиш ташаббускори Netflix платформаси бўлиб, гар-сўзларга кўра, жангнинг ўзи келаси йилнинг апрелига режалаштирилган. Шу билан бирга, Халқаро бокс ассоциацияси (IBA) раҳбарияти ушбу жангда ўз камарини қўйишга тайёрлигини маълум қилган.

Маълумот учун, 2015 йилда Флойд Мейвезер ҳакамлар қарори билан филиппинлик рақибини мағлуб этганди. Ўн йил олдин ўтказилган жанг тўрт ярим миллиондан ортиқ пуллик трансляцияларни сотиш орқали барча молиявий рекордларни янгилаганди.