Мейвезер Хабиб - Конор жангига кескин муносабат билдирди

Америкалик боксчи UFC чемпиони Хабиб Нурмагомедовни Конор билан жангдаги хатти-ҳаракатлари учун эсдан чиқмайдиган даражада жазолаш кераклигини айтган. 

“Мен Макгрегор билан жанг қилган йигитни яқиндан билмайман. Лекин унинг фаолиятида ҳали мағлубият йўқлигидан хабардорман. Макгрегор - жиддий ва кучли рақиб. Унга қарши жанг ўтказганим учун Конор ҳақида тасаввурга эгаман. 

Аммо, Хабибнинг жанг якунланганидан кейинги ҳолатини ҳеч қандай баҳона билан оқлаб бўлмайди. Октагонни тарк этиб, залда жанжални юзага келтириши бу ҳақиқий нопрофессионаллик. Энди у жариманинг энг каттасини тўлаши шарт. Бошқаларга сабоқ бўлиши учун ҳам жазосини олиши керак”, - деди Мейвезер Daily Mail нашрига берган интервьюсида.