Мейвезер - Замбидис жанги барбод бўлиш хавфи остида қолди

Натижада, ушбу жангни трансляция қилмоқчи бўлган DAZN стрим сервиси бокс оқшомини ўз дастуридан олиб ташлади, Ticketmaster эса шоуга чиқарилган чипталар сотувини тўхтатди.

CSI Sports Events маълумотларига кўра, Мейвезер ўтган йили Майк Тайсон ва Мэнни Пакьяога қарши жангларини ташкил этиш бўйича эксклюзив ҳуқуқларни ушбу компанияга топширган ва бунинг учун 4,65 миллион доллар аванс олганди. Шартнома шартларига кўра, Мейвезер CSI Sports олдидаги мажбуриятларини бажармагунча бошқа жангларда қатнашиш ҳуқуқига эга эмас эди. Бироқ, аванс олганидан кўп ўтмай, у Майк Замбидисга қарши жангини эълон қилди.

Эслатиб ўтамиз, Пакьяо ва Мейвезер аллақачон реванш жанги учун шартнома имзолаган, бироқ унинг аниқ санаси ва жойи ҳали аниқланмаган: 19, 25 ва 26 сентябрь саналар ҳамда Лас-Вегасдаги турли ареналар оқшом манзили учун айтилмоқда.

Майк Тайсонга қарши кўргазмали жангга келсак, у дастлаб 25 апрелга режалаштирилган эди, кейин 30 майга (Тайсоннинг жароҳати сабаб) ва бироз кейинроқ кузга кўчирилди. Ушбу жанг Конго Демократик Республикаси пойтахти Киншаса шаҳрида Муҳаммад Али ва Жорж Форман ўртасида бўлиб ўтган афсонавий жангнинг кунига тўғри келиши режалаштирилган эди.