Мейвезерни жиддий жанглар ўтказмасликда айблашди

Гарсиянинг сўзларига қараганда, Флойд жиддий жанглардан қўрқиб, қочиб, фақат пул ишлаш йўлига ўтиб олган.

“Мейвезерга жиддий жанглар қизиқ эмас. У шоу мақомидаги жангларда иштирок этиб, пул ишлашда давом этади. Флойд таваккал қилишни истамайди, аниқроғи таваккалдан қўрқади. Катта гонорарни ҳақиқий жанглар орқали ишлаб топса ҳам бўлади. Лекин бунинг учун катта юрак керак. Бу эса Мейвезерда йўқ!”, - деди Гарсия.

Эслатиб ўтамиз, Флойд Мейвезер 31 декабрь куни Япониянинг Саитама шаҳрида маҳаллий 20 ёшли кикбоксчи Тенсин Насукавани биринчи раунднинг иккинчи дақиқасидаёқ нокаутга учратган эди. Ўша жанг бокс қоидалари асосида ўтказилганди.