Мезбонларга аталган Боку “Катта Дубулға” турнирида Ўзбекистон кучли бешликдан жой олди

Дунёнинг 61 давлати иштирок этган нуфузли мусобақада Ўзбекистон терма жамоаси 1 та олтин, 1 та кумуш, 2 та бронза медали билан умумжамоа ҳисобида 5-ўринни эгаллади. 14 та вазнда жами 11 давлат дзюдочиларининг чемпион бўлгани дзюдо географияси кенгайиб бораётганини кўрсатмоқда. 

Боку "Катта Дубулға" турнири мезбонларга аталди. Озарбайжон терма жамоаси 4 та олтин, 2 та бронза медали билан умумжамоа ҳисобида биринчи бўлишди. 

Кучли учликдан биз каби 1 нафардан чемпиони бўлган Нидерландия ва Сербия терма жамоалари жой олишди. Фақат бу жамоалар биздан кумуш медаллар сони бўйича устунлик қилишди. 27 давлат делегациялари ўз ватанларига камида 1 та бронза медали билан қайтишди.