28 мар 08:01
Янгиликлар

Теннис

Miami Open. Кербер иштирокини тўхтатди

АҚШнинг Майами шаҳрида ўтказилаётган хотин-қиз теннисчилар ўртасидаги турнир ўзининг қизғин палласига кириб боряпти.

Дунёнинг ўнинчи ракеткаси ҳисобланган Анжелик Кербер чорак финал учрашувида мағлубиятга учради. Германиялик теннис маликаси WTA рейтингида 12-поғонадан жой олган америкалик Слоан Стивенсга имкониятни бой берди.

Бир соату 1 дақиқа давом этган баҳсда Слоан кучли рақибасини ортиқча қийинчиликсиз 6:1, 6:2 ҳисобида таслим этди. Энди Стивенс ярим финалда беларуслик Виктория Азаренкога қарши кортга чиқади.