Miami Open. Наоми Осака 15-ракеткани таслим этди

WTA рейтингида 77-поғонадан жой олиб турган Наоми Осака мусобақанинг иккинчи даврасида дунёнинг 15-ракеткаси, германиялик Анжелик Керберни 6/2, 6/3 ҳисобида таслим этди. 

Роппа-роса бир соат давом этган баҳсда 24 ёшли Осака 6 та эйс, 3 та брейк-пойнтни амалга оширди. 34 ёшли Кербер эса 1 та эйс ва 1 та қўшхато қайд этди. Биронра брейкка эга чиқмади. Теннисчиларнинг ўзаро учрашувларида олмон теннисчиси олдинда бормоқда - 4:2. 

Наоми Осаканинг Miami Open турнирининг учинчи даврадаги рақибаси чехиялик Каролина Мухова бўлади.