24 июн 09:22
Янгиликлар
Бокс/ММА
Миктибек Оралбай Ислам Махачев билан бир оқшомда жанг қилади
Қирғизистонлик истеъдодли аралаш яккакураш устаси Миктибек Оралбай навбатдаги жангини UFC 330 турнири доирасида ўтказади.
Маълум бўлишича, ярим ўрта вазн тоифасида фаолият юритаётган Оралбай 15 август куни АҚШнинг Филадельфия шаҳрида ташкил этиладиган турнирда маҳаллий атлет Жеремайя Уэллсга қарши октагонга чиқади.
Жанг ҳақида спортчи ўзининг ижтимоий тармоқлари орқали маълум қилди. Миктибек Оралбай охирги жангида Крис Кёртисни очколар ҳисобига кўра мағлуб этган эди.
UFC 330 турнирининг марказий жангида ярим ўрта вазн чемпиони Ислам Махачев ўз камарини ирландиялик Ian Machado Garryга қарши ҳимоя қилади. Турнир 15 август куни Филадельфиядаги Xfinity Mobile Arena мажмуасида бўлиб ўтади.
Ҳавола :
Фикрлар