"Милан" собиқ юлдузи Англиядан клуб сотиб олишга яқин

“Sky Sports” маълумотларига қараганда, 36 ёшли бразилиялик ҳужумчи ўрин олган инвесторлар консорциуми Англиянинг “Нортгемптон Таун” клубининг назорат пакет акцияларини сотиб олиш бўйича якуний келишувга эришишга яқин турибди.

Музокаралар илғор босқичда экани ва ҳар икки томон яқин орада барча ҳуқуқий расмиятчиликларни ҳал қилишга ҳаракат қилаётгани маълум қилинган. Потенциал янги инвесторлар клубни ривожлантириш стратегиясини ишлаб чиқишган ва жамоа инфратузилмасига сармоя киритишни режалаштиришмоқда.

Таъкидлаш жоизки, Пато фаолияти давомида “Милан”, “Челси”, “Вильярреал”, “Сан-Паулу” ва “Орландо Сити” каби жамоаларда тўп тепган, шунингдек, Бразилия терма жамоаси сафида 27 та ўйин ўтказиб, 10 та гол урган.

“Нортгемптон” ўтган мавсум Англиянинг 1-лигасида иштирок этганди, аммо мураккаб мавсумдан сўнг турнир жадвалида охирги ўринни эгаллади ва ушбу мавсумда 2-лигада кураш олиб боради.