"Милан" ёзда трансферлар учун қанча пул ишлатмоқчи эканлиги маълум қилинди

"Милан" эгаси Жерри Кардинале клубнинг ёзги трансфер бюджетини эълон қилди.

"Мен бу клуб билан кўплаб совринларни қўлга киритишни хоҳлайман. "Милан" – бу ҳаётимдаги энг яхши сармоя. Сан-Донатодаги янги стадион Европадаги энг замонавийси бўлади. Қолаверса, ёзги трансфер ойнасида 50-100 миллион евро сарфлаймиз", – деди функционер.

Миш-мишларга кўра, "Милан" ҳам мавсум оралиғида мураббийини ўзгартирмоқчи. Номзодлар орасида Антонио Конте, Маурицио Сарри ва Хулен Лопетеги бор.