Миллий олимпия қўмитаси йил сарҳисобига тайёргарлик кўрмоқда

Ўзбекистон Миллий олимпия қўмитаси ҳамда Жисмоний тарбия ва спорт вазирлиги томонидан ташкил қилинаётган мазкур тадбирда йил давомида спортимиз ривожи йўлида меҳнат қилган энг яхши атлет ва мураббий, федерация, ҳакам, спорт мутасаддилари, журналист ва масъул ташкилотлар 20 га яқин номинация бўйича тақдирланишади. 

Бугун “Наврўз” тантаналар саройида МОҚ ҳамда Жисмоний тарбия ва спорт вазирлиги раҳбарияти, тадбир ўтказилиши учун масъул бўлган ишчи гуруҳ вакиллари иштирокида йиғилиш бўлиб ўтди. Унда тадбирнинг бадиий қисми, безатиш ишлари ва таомлар менюсидан тортиб ташкилий жараён билан боғлиқ барча кичик деталларгача муҳокама қилинди. Спортимиз юлдузлари иштирокида ўтадиган тақдирлаш маросимини мухлислар янги йил оқшомида, аниқроғи, 31 декабрь куни соат 20:30 дан бошлаб “Спорт” телеканалида томоша қилишлари мумкин.