"Минглаб одамлар учун жуда қайғули кунлар. Уларга ҳамдардман". Месси — Туркия ва Суриядаги зилзилалар ҳақида

"Бу кунлар Туркия ва Суриядаги даҳшатли зилзилалардан жабрланган минглаб болалар ва уларнинг оилалари учун жуда қайғули дамлар.дир. Юрагим уларга ҳамдард", – деб ёзди ПСЖ футболчиси ижтимоий тармоқларда жабрланганларга хайрия ёрдами кўрсатиш мумкин бўлган ҳаволани жойлаштирган ҳолда.

Эслатиб ўтамиз, аввалроқ Месси зилзиладан сўнг Туркияга ёрдам бериш мақсадида хайрия аукционига имзоси туширилган футболка совға қилган эди.

6 февралга ўтар кечаси кучли зилзила Туркия ва Сурияда кўплаб қурбонлар ва катта зарар олиб келди. Охирги маълумотларга кўра, Туркияда қурбонлар сони 29 605 кишига етган, 80 278 киши жароҳатланган. Сурияда 8,5 минг киши ҳалок бўлган, 10 мингга яқин киши яраланган.