26 июл 15:28
Янгиликлар
Бокс/ММА
![](/upload/storage/306077_220.jpg)
Мирафзал Аҳтамовнинг LFA'даги жанги сентябрь ойига қолдирилди
Ярим ўрта вазн тоифасида ўзбекистонлик аралаш якка кураш устаси, АҚШнинг LFA ММА лигасида фаолият олиб бораётган Мирафзал Аҳтамовнинг жанги кечиктирилди.
Ҳамюртимиз 2 август куни АҚШнинг Нью-Йорк штати, Саламанка шаҳрида бўлиб ўтадиган LFA 189 турнири доирасида америкалик Жеффри Крейг билан тўқнаш келиши зарур эди. Бироқ Мирафзалнинг хабар беришича, рақибининг жароҳат олгани сабабли жанг кечиктирилган.
"Мени ҳар томонлама қўллаб-қувватлаб турган яқинларимга ва ҳомийларимга катта раҳмат. Рақибим жароҳат олгани туфайли жангим 13 сентябрь кунига қолдирилди", деб ёзди Аҳтамов ўзининг Instagram саҳифасида.
Аввалроқ, Мирафзалнинг мазкур жанг учун Флорида штатида жойлашган дунёга машҳур "Kill Cliff FC" машғулотлар залида шуғулланаётгани ҳақида хабар берган эдик.
Ҳавола :
Манба : olamsport.com
Фикрлар