10 ноя 12:28
Янгиликлар

Бокс/ММА

Мирафзал Ахтамов АҚШдаги LFA 172 турнирида жанг қилади + ПОСТЕР

Тошкент вақти билан 18 ноябрь тонгида АҚШнинг Аризона штати, Феникс шаҳрида жойлашган "Arizona Financial Theatre" мажмуасида LFA 172 турнири бўлиб ўтади.

Аҳамиятлиси, мусобақада ярим ўрта вазн тоифасида ўзбекистонлик аралаш якка кураш устаси Мирафзал Ахтамов (5-0-1) ҳам жанг қиладиган бўлди. Ҳамюртимиз ўша куни америкалик Кейт Доусонга (4-4-0) қарши октагонга чиқади. Жанг асосий кард доирасида 3 раунд этиб белгиланган.

Қайд этиш жоиз, Ахтамов бу жангда заҳира жангчиси сифатида иштирок этади. Аслида, 17 ноябрь куни Кейт Доусон ҳамюрти Рей Уотерс (3-0-0) билан жанг қилиши керак эди.

Эслатиб ўтамиз, Мирафзал Ахтамов сўнгги жангини 2022 йилнинг 26 март куни UAE Warriors 28 турнирида бразилиялик Бруно Карвальога қарши ўтказиб, муддатидан олдин ғалаба қозонган эди.