28 июн 08:02
Янгиликлар
Бокс/ММА
Мирафзал Ахтамовнинг LFA лигасидаги навбатдаги рақиби ва жанг санаси маълум
Яримўрта вазн тоифасида ўзбекистонлик аралаш яккакураш устаси Мирафзал Ахтамовнинг кейинги жанги тафсилотлари маълум бўлди.
Ҳамюртимиз 2 август куни АҚШнинг Нью-Йорк штати, Саламанка шаҳрида бўлиб ўтадиган LFA 189 турнирида октагонга чиқади. Ўша куни Мирафзалга америкалик Жеффри Крейг рақиблик қилади.
Оқшомнинг марказий жанги аёллар ўртасида минимал вазнда LFA чемпиони, россиялик Наташа Кузьютина ҳамда Бразилия вакиласи Бруна Эллен ўртасида кечади.
Эслатиб ўтамиз, Мирафзал Ахтамов сўнгги жангини 2023 йил 17 ноябрь куни LFA 172 мусобақаси доирасида Кейт Доусонга қарши ўтказиб, ғалаба қозонган эди. Унинг ҳисобида жами 6 ғалаба ва 1 дуранг бор.
Жеффри Крейг эса фаолияти давомида 7 та жанг ўтказиб, 5 та ғалаба ва 2 та мағлубият қайд этган.
Ҳавола :
Манба : olamsport.com
Фикрлар