03 июн 07:14
Янгиликлар

Бокс/ММА

Мирафзал Ахтамовнинг рақиби ва жанг санаси маълум, у Муҳаммад Мокаев билан бир кардда жанг қилади + ПОСТЕР

Ўзбекистонлик таниқли аралаш яккакураш устаси Мирафзал Ахтамовнинг навбатдаги жанги тафсилотлари маълум бўлди.

Ҳамюртимиз 14 июнь куни Дубай шаҳридаги Coca Cola Arena мажмуасида ташкил этиладиган ММА бўйича 971 Fighting Лигасида иштирок этади. Ўша куни Ахтамовга Жанубий Африка Республикаси вакили Адриан Санчес рақиблик қилади.

Аслида, Мирафзалнинг PFL Лигаси билан шартномаси мавжуд бўлиб, юртдошимиз кейинги жангларини айнан ушбу промоушенда ўтказишда давом этади.

Маълумот ўрнида, 32 ёшли бухоролик Мирафзал Ахтамов фаолияти давомида 9 та жанг ўтказиб, 8 ғалаба ва 1 та дуранг қайд этган. 33 яшар Адриан Санчес ҳисобида эса 7 ғалаба ва 5 та мағлубият бор.