Мирзагали Айтжанов: «Италияда ёмон натижа қайд этилса, у ёки бу боксчини алмаштирамиз деб айта олмайман»

— Жамоамиз Италиядаги турнирда қолган олтита лицензияни қўлга кирита оладими?

— Бу осон бўлмайди. Барча қитъа турнирлари бўлиб ўтди. Ҳар бир вазн тоифасида турли сабабларга кўра лицензия ололмаган кучли рақиблар бор. Рақобат жуда кучли бўлади. Аммо, аввалига Италияда, кейин эса Таиландда имкон қадар мақсадимизни амалга оширишга ҳаракат қиламиз. Ринг муқаддас жой. Унда турли хил вазиятлар бўлиши мумкин. Барча давлатлар ўз боксчиларини қўллаб-қувватлаб, унинг Олимпиада йўлланмасини қўлга киритишини исташади. Шу боис Италияда ёмон натижа қайд этилса, у ёки бу боксчини алмаштирамиз, деб олдиндан айта олмаймиз. Ҳамма нарсани вақт кўрсатади. Турнир рўйхатига келсак, Спартакиадада ғолиб чиққанлар Италияга йўл олишади. Тайёргарлик жараёнида йигитларнинг ҳар бирига ўзларини эҳтиёт қилишлари кераклигини айтаман. Фақат олти нафар боксчи кетади. Кункабаевга келсак, у Италияга бормайди. Ҳозир федерациямиз бошқа давлатлар билан музокаралар олиб бормоқда. Балки Камшибек ҳам хориждаги йиғинларга борар.