27 сен 13:44
Янгиликлар

Футбол

MLS. Давид Вилья "Нью Йорк Сити"га ғалаба келтирди

Бугун эрта тонгда АҚШ MLS лигасида навбатдаги тур ўйини бўлиб ўтди.

"Нью Йорк Сити" ўз уйида "Чикаго Файр"ни қабул қилди. Учрашувдаги иккала гол ҳам иккинчи тайм бошида меҳмонлар дарвозасига урилди. Дастлаб испаниялик машҳур ҳужумчи Давид Вильянинг тўп узатишидан кейин Александр Ринг ҳисобни очди. Орадан 4 дақиқа ўтгач Вильянинг ўзи гол урди - 2:0.

Шу тариқа германиялик машҳур ярим ҳимоячи Бастиан Швайнштайгер тўп тепаётган "Чикаго Файр" мағлуб бўлди. Мазкур ғалабадан сўнг "Нью Йорк Сити" ўз очколари сонини 53тага етказиб олди. Жамоа ҳамон учинчи поғонада бормоқда. "Чикаго Файр" эса 28 очко билан 10-ўринда жойлашган.