MMA ҳамжамиятининг Исраэль Адесаньянинг бугунги мағлубиятига муносабати

Асли нигериялик аралаш яккакураш устаси оқшомнинг асосий жангида америкалик Жо Пайферга иккинчи раундда техник нокаут эвазига мағлуб бўлганди. ММА олами Адесаньянинг бугунги мағлубиятини эътибор ва изоҳсиз қолдирмади. 

Фрэнсис Нганну: "Нима гап ўзи, "мужик"! Бошингни баланд кўтар, Стилбендер!

Гильберт Бёрнс: "Албатта, Иззига ачинаман, лекин Жо Пайфер ҳақиқатан ҳам жиддий даража, вау!"

Диана Белбита: "Гапиргим келмаяпти, лекин Исраэль Адесанья даври аллақачон тугаган бўлса керак"

Мэтт Браун: "Иззи зарядланган ва умуман олганда яхши кўринарди. Шунчаки Жо Пайфернинг ажойиб жанг режаси бор эди, у характер кўрсатди ва муддатидан олдин ғалаба қозониш учун ҳаракат қилишдан тўхтамади!"

Белал Муҳаммад: "Иззи ҳали тугатгани йўқ. У ўз даражасида эди - шунчаки финишга эришиш имкониятини ҳис қилди ва шундан келиб чиқиб катта таваккал қила бошлади"

Жеймс Линч: "Жо Пайфер фаолиятидаги энг йирик ғалабани қўлга киритди"

Майкл Кэролл: "Жо Пайфер энди Грегори Родригес билан 2022 йилдан бери UFC ўрта вазн тоифасида муддатидан олдин ғалаба қозониш бўйича биринчи ўринни бўлишиб турибди - уларнинг ҳар бирида олтитадан"

Али Абдел-Азиз: "Исраэль Адесаня барибир буюк!"

Кетма-кет тўртинчи мағлубиятни қабул қилиб олган Исраэль Адесаньянинг ўзи профессионал жангчилик фаолиятини якунламоқчи эмаслигини маълум қилди.