22 окт 11:01
Янгиликлар

Дзюдо

Мўғулистон 26 дзюдочи билан Венгрияга етиб борди

Эртага Венгрия пойтахти Будапешт шаҳрида халқаро дзюдо рестарти амалга ошади.

23-25 октябрь кунлари Будапештда "Катта Дубулға" туркумига кирувчи нуфузли турнир бўлиб ўтади. Мусобақа медаллари йўлида асосий даъвогарлардан ҳисобланган Мўғулистон терма жамоаси делегацияси махсус чартер рейс билан Венгрия пойтахтига етиб борган.

Будапешт татамиларида жами 26 нафар мўғулистонлик дзюдочи 3 мураббий қўл остида медаллар ҳамда қимматли рейтинг очколари учун беллашади. Барча дзюдочилар ва мураббийлар Венгрияга келиш олдидан коронавирусга тест топширишди.