Монте-Карло. Алькараз - Корда ўртасидаги муросасиз учрашув 3 соат давом этди

Майами "Мастерс"и ғолиби, испаниялик Карлос Алькараз турнирнинг 1/16 финал босқичида америкалик Себастьян Кордага қарши кортга чиқди. 

3 соату 4 дақиқа давом этган муросасиз учрашувда ғолиб 3 сет натижасига кўра аниқланди. Ўйинда дастлабки 2 сет ғолиби тай-брекда аниқланди. Биринчи сетда Корда рақибини 7/6 ҳисобида мағлуб этган бўлса, иккинчи сетда омад Алькаразга кулиб боқди - 7/6. Ҳал қилувчи учинчи сетда эса Корда рақибини 6/3 ҳисобида мағлуб этиб, турнирнинг 1/8 финалига йўл олди. Умумий ҳисоб 7/6, 6/7, 6/3. 

Шу тариқа 18 ёшли Алькараз турнирни тарк этди. 21 ёшли Корданинг турнирдаги навбатдаги рақиби ҳали номаълум. 

Маълумот учун Карлос, Алькараз жаҳоннинг 11-ракеткаси ҳисобланади. Себастьян Корда эса АТР рейтингида 42-ўринни эгаллаб турибди.