Монте-Карло. Аслан Карацев 18 ёшли рақибига мағлуб бўлиб, илк давраданоқ мусобақани тарк этди

Жаҳоннинг 30-ракеткаси, россиялик Аслан Карацев турнирнинг илк даврасида АТР рейтингида 79-поғонани эгаллаб турган даниялик Хольгер Рунега 6/7, 6/4, 3/6 ҳисобида мағлуб бўлди ва мусобақани тарк этди.

Учрашув 2 соату 36 дақиқа давом этди. Ушбу вақт давомида 28 ёшли Карацев битта эйс қайд этиб, тўпни ўйинга киритишда беш марта хатога йўл қўйди ва учта брейкдан унумли фойдаланди. 18 ёшли Руне эса тўрт марта эйс зарбасини амалга ошириб, тўрт бор қўш хатога йўл қўйди ва тўртта брейк қайд этди. Спортчиларнинг ўзаро учрашувларида ҳисоб тенглашди, 1:1.

Rolex Monte-Carlo Masters мусобақасининг иккинчи даврасида Руне норвегиялик Каспер Рууд билан тўқнаш келади.