Монте-Карло. Даниил Медведев деярли уч соатлик учрашув ўтказди

Россиялик теннисчи 2 соату 49 дақиқа давом этган баҳсда ATP рейтингида 39-ўринни эгаллаб турган франциялик Александр Мюллерни уч сет натижасига кўра мағлубиятга учратди - 7/6(6), 5/7, 6/2.

Теннисчиларнинг ўзаро учрашувларидаги ҳисоб йириклашди - 3:0. Медведев 7, Мюллер 1 та эйс зарбасини амалга оширган. Қўшхатолар Даниилда кўпроқ бўлди - 8 га 3. Брейклар бўйича устунлик Медведевда биттага кўп бўлди - 5 га 4! Энди у Рокбрюн-Кап-Мартен турнирининг учинчи босқичида австралиялик Алекс Де Минаурга қарши кортга чиқади.