Монте-Карло. Григор Дмитров Каспер Руудни мусобақадан чиқариб юборди

Жаҳоннинг еттинчи ракеткаси, норвегиялик Каспер Рууд турнирнинг учинчи даврасида АТР рейтингида 29-ўринни эгаллаб турган болгариялик Григор Димитровга қарши кортга чиқди. 

1 соату 33 дақиқа давом этган учрашувда Рууд рақибига 3/6, 5/7 ҳисобида имкониятни бой бериб қўйди ва турнирни тарк этди.

Ўйин давомида 23 ёшли Рууд 2 та эйс, 2 та қўш хато ва 1 та брейк қайд этди. 30 ёшли Димитров эса 4 та эйс зарбасини амалга ошириб, 3 бор қўш хатога йўл қўйди ва 4 та брейкдан унумли фойдаланди. Спортчиларнинг ўзаро учрашувларида ҳисоб тенглашди, 1:1. 

Григор Rolex Monte-Carlo Masters турнирининг чорак финалида  Хуберт Гуркач билан тўқнаш келади.