14 апр 18:35
Янгиликлар

Теннис

Монте-Карло. Лоренцо Музетти иккинчи даврада Топ-10'даги теннисчини мағлуб этди

Мавсумнинг учинчи "Мастерс" турнири давом этмоқда.

Канадалик Феликс Оже Монте-Карлодаги турнирнинг иккинчи давра учрашувида италиялик Лоренцо Музеттига қарши кортга чиқди.

1 соату 44 дақиқа давом этган учрашувда Феликс Лоренцога 2/6, 6/7 ҳисобида мағлуб бўлиб, турнирни тарк этди.

АТР рейтингида тўққизинчи ўринни эгаллаб турган Оже тўпни ўйинга киритишда уч марта хатога йўл қўйди, иккита эйс ва битта брейк қайд этди. Жаҳоннинг 83-ракеткаси Музетти эса икки бор қўш хатога йўл қўйди, битта эйс зарбасини амалга ошириб, учта брейк-пойнтдан унумли фойдаланди. Илгари теннисчилар ўзаро икки марта тўқнаш келган ва иккиси ҳам бир мартадан ғалаба қозонган.

Rolex Monte-Carlo Masters мусобақасининг учинчи даврасида Музетти аргентиналик Диего Шварцманга қарши кортга чиқади.