"Moscow Grand-Prix Final". Рафалович ажойиб ғалаба билан бошлади, Турсунқулова эса...

Ушбу нуфузли мусобақада ўзбекистонлик икки нафар таэквондочи Никита Рафалович ва Нигора Турсунқулова иштирок этмоқда. 

Никита Рафалович илк босқичда австралиялик Жэк Мартонга қарши даянга чиқди ва 20:0 ҳисобида ғалабага эришди. Энди Рафалович чорак финалда испаниялик Рауль Мартинес Гарсия билан тўқнаш келади. 

Нигора Турсунқулова эса 1/8 финалда хорватиялик Матеа Йелич билан тўқнаш келди. Учта раунд давомида катта устунлик ҳамюртимиз томонида бўлди. Баҳс тугашига 20 сония қолганида Турсунқулова 8:5 ҳисобида олдинда эди. Афсуски сўнгги сонияларда хорватиялик спортчи ғалабани ўз томонига оғдириб олди - 10:8.