Моуринью қачон охирги марта Шомуродовни асосий таркибда майдонга туширганди?

Жозе Моуринью бу сафар Элдор Шомуродовга учрашув якунига 1 дақиқа (!) қолганида имкон берди. Умуман ўзбекистонлик форвард сўнгги бора ўтган йил 4 декабрда “Интер”га қарши (0:3) баҳсда асосий таркиб майдонга тушганди. Шундан кейин эса 17 учрашувда (2 та гол урди, битта ассист қилди) захирадан ўйинга қўшилди, 11 тасида туширилмади ва биттасини коронавирус туфайли ўтказиб юборди.

Умуман 26 ёшли футболчи 2021/22 йилги мавсум чемпионатда 26 учрашувда қатнашиб, 2+4 натижа кўрсатди ҳамда бир бор сариқ карточка олди. Италия Кубогида эса бир ўйинда битта гол ҳамда ЕКЛда 10 баҳсда 1+2 натижани ўз ҳисобига ёздирди. 

“Бўрилар”ни олдинда А Серия доирасида “Венеция” (14 май, 23:45), “Торино”га (22 май, 19:00) қарши охирги тур ўйинлари кутмоқда. Жамоа мусобақа жадвалида 59 очко билан 6-ўринда бормоқда ва ЕЧЛ йўлланмасидан “қуруқ” қолди. Шунингдек, 25 май (23:59) куни Конференциялар Лигаси финалида Моуринью шогирдлари “Фейноорд”га қарши саф тортади.