MPL 6 турнирининг марказий жанги расман бекор қилинди, Маҳмуд Мурадов бунга изоҳ берди + Тўлиқ кард

Хабарингиз бор, оқшомнинг марказий жанги қирғизистонлик Эдил Эсенгулов ҳамда россиялик Хамзат Чапанов ўртасида ўтказилиши лозим эди. Аммо, жангга уч кун қолганида Эдилнинг жароҳат олгани маълум бўлди. Ташкилотчилар Эсенгуловнинг ўрнига рақиб топиш учун охиригача ҳаракат қилишди. Лекин бу уринишлар бесамар кетди. 

"Афсуски, марказий жангни сақлаб қола билмадик. Эдил жароҳат олдим деб айтди. Ростан жароҳат олдими ёки ўзи шунчаки жанг қилгиси келмадими, очиғи буни тушунмадим. Биз таклиф билдирган бошқа жангчилар Хамзат билан жанг қилишни исташмади. Шу сабабдан марказий жангни карддан олишга мажбур бўлдик", - деди промоушен раҳбари Маҳмуд Мурадов. 

Энди оқшомнинг марказий жанги ўзбекистонлик икки аралаш яккакураш устаси ўртасида бўлиб ўтади. Нурматов Ўзбековга қарши октагонга кўтарилади. Ушбу оқшомда шунингдек Аҳлиддин Мирзадавлатов қирғизистонлик Зарипбек уулу билан жанг қилади. Турнирдан жами 14 та жанг ўрин олган.   

Маълумот учун, эртага, 8 июль куни соат 20:00да пойтахтимиздаги "Анҳор-Локомотив" паркида Face to Face (кўз уриштириш) ҳамда оқшом иштирокчиларини тарозидан ўтказиш маросимлари ташкил этилади.