02 авг 08:17
Янгиликлар

Бокс/ММА

Муҳаммад Мокаев ҳам UFC 280 турнирида иштирок этади, рақиб маълум!

Асли доғистонлик, ҳозирда Буюк Британия шарафини ҳимоя қилиб келаётган Муҳаммад Мокаев (8-0) ҳам юлдузли UFC 280 турнирида октагонга кўтарилади.

Енгил вазн (57 кг.гача) тоифасида ўз жангларини ўтказиб келаётган 22 ёшли Мокаевнинг рақиби канадалик 32 ёшли Малкольм Гордон (14-5) бўлади. Гордон 2020 йилдан бери UFC промоушенида ўз жангларини ўтказиб келяпти. Ҳисобида 2 ғалаба ва 2 мағлубият бор. Аввалроқ, Мокаев америкалик Брэндон Ройвель билан жанг ўтказиш истагини борлигини айтганди.

Малкольм ўзининг сўнгги жангини шу йилнинг февраль ойида UFC Fight Night 200 турнирида украиналик Денис Бондарга қарши ўтказиб, техник ғалаба (рақиби қўлидан жароҳат олганди) эвазига зафар қучган эди. Мокаев эса яқинда UFC Fight Night 208 турнири доирасида америкалик Чарльз Жонсондан очколар ҳисобига кўра устун келганди.

Эслатиб ўтамиз, UFC 280 турнирининг марказий жанги бразилиялик Чарльз Оливейра ҳамда россиялик Ислам Махачев ўртасида бўлиб ўтади. Жангчилар енгил (70 кг.гача) вазнда вакант қолган чемпионлик камари учун октагонга кўтарилишади. Ушбу оқшомдан Маҳмуд Мурадовнинг ҳам жанги ўрин олган.