Мураббий буталар орасидан рақиб машғулотини кузатгани учун иш очилди

АПЛга чиқиш учун бўладиган илк ўйин шанба куни "Риверсайд" стадионида, жавоб баҳси эса сешанба куни "Сент-Мэри"да ўтказилади.

"BBC Sport" нашри маълумотига кўра, пайшанба куни "Саутгемптон" клуби таҳлилчи мураббийи "Мидлсбро"нинг машғулотларини яширинча видеога олаётган вақтда ушланган. У клуб ишчилари томонидан буталар орасидан олиб чиқилган ва видео ўчириб, клуб ҳудудидан чиқиб кетиши талаб қилинган. "Мидлсбро" клуби бу борада лигага мурожаат қилган.

"Daily Mail" маълумотига кўра, мураббий буталар орасида яшириниб олиб, машғулотни видеога олаётган бўлган. Шундан кейин у стадионга унчалик узоқ бўлмаган, "Мидлсбро" клуби эгасига тегишли бўлган "Rockliffe Hall" меҳмонхонасига кетган.

Ушбу ҳолат борасида "Мидлсбро" тергов ишларини бошлашни талаб қилган ва бу EFL қоидаларини бузиш билан тенглаштирилган.