05 авг 11:57
Янгиликлар
Бокс/ММА
Мураббий Ислам Махачевнинг яна неча йил жанг қилиши мумкинлигини айтди
UFC'нинг ярим ўрта вазн тоифасидаги амалдаги чемпиони, россиялик Ислам Махачевнинг мураббийи Хавьер Мендес россиялик жангчи фаолиятини якунлаш арафасида эмаслигини таъкидлади.
"Ислам бу ишидан завқ олаётган, ўзи севган машғулот билан шуғулланаётган ва рақибларини мағлуб этаётган экан, фаолиятини давом эттиради. У фақат ўзи истаган пайтда карьерасини якунлайди. Яқинда айтгандим, Ислам яна беш, олти, ҳатто етти йил ҳам жанг қилиши мумкин. Лекин у менга: "Мураббий, мен бунчалик узоқ жанг қилишни истамайман", деб айтганди", — деди Мендес Submission Radio нашрига берган интервьюсида.
Ислам Махачев 34 ёшда. Доғистонда таваллуд топган спортчи жанговар самбо бўйича Россия ва жаҳон чемпиони ҳисобланади. У 2010 йилдан буён ММА қоидалари асосида фаолият юритиб келмоқда, 2015 йилда эса UFC'да дебют қилган.
Ҳавола :
Манба : championat.com
Фикрлар