Мураббий шогирди Хамзатдан норози

"Албатта, у ҳар қандай ҳолатда ҳам бу йигитни нокаутга учратиши ва ҳаммага "Қаранг, мен уни қандай мағлуб қилдим" дея кўрсатишни хоҳлагани менга ёқмади. Жанг учун режамиз бор эди ва у биринчи дақиқадаёқ рақибнинг бошини олиш эмас эди. Бу режамизда йўқ эди. У билан бокс тушиши, чапдан фаол фойдаланиш керак эди. Бу вазиятни ҳал қилишнинг тўғри йўли эди. Лекин, у биз ўргатган усулларнинг ҳеч бирини қилмади", — деди Михаэль.

Эслатиб ўтамиз, Хамзат 10 апрель куни UFC 273 турнирида бразилиялик Гилберт Бернс устидан ғалаба қозонган. Швециялик спортчи ўшанда UFC'даги фаолияти давомида илк бор тўлиқ жанг ўтказган эди.