Муроджон Аҳмадалиев АҚШга жўнаб кетди + ФОТО

Аҳмадалиев катта эҳтимол билан навбатдаги жангини IBF йўналиши бўйича мажбурий даъвогар, филиппинлик Марлон Тапалесга қарши ўтказади. Лекин бу ҳали тасдиқланмаган маълумот. 

"Қўлимдан олган жароҳатим ҳозир анча яхши. Худо хоҳласа, аста-секин машғулотларни бошлаб, кейинги жангга тайёргарликни бошлайман. Навбатдаги жангимнинг аниқ санасини ҳозир айта олмайман. Лекин жанг баҳорда бўлиб ўтади", - дея яқинда сайтимизга интервью берган эди Аҳмадалиев.  

"Ассалому алайкум, азиз юртдошлар! Инша Аллоҳ, янги ғалабалар учун йўл олдик. Дуо қилиб туринглар, ватандошлар!",- дея сурат остида изоҳ қолдирган чарм қўлқоп устамиз. 

Эслатиб ўтамиз, Муроджон шу йилнинг 26 июнь куни АҚШнинг Техас штатида профессионал рингдаги 11-жангини ўтказганди. Ўшанда у синган қўли билан америкалик Ронни Риосни сўнгги 12-раунд якунланишига бир неча сония қолган бир пайтда техник нокаут эвазига мағлубиятга учратган эди.