21 июл 12:47
Янгиликлар

Бокс/ММА, Токио-2020

Муроджон Аҳмадалиев: "Насиб қилса, Ўзбекистонга ёруғ юз билан қайтамиз"

Рио-2016 Олимпиадасида Ўзбекистонга медал тақдим этиши мумкин бўлган боксчиларимиздан бири Муроджон Аҳмадалиев муҳим мусобақа олдидан ўз фикрларини билдирди.

"Олимпиадага тайёргарлик кўришимиз учун бизга жуда яхши имкониятлар яратиб берилди. Ушбу шароитларга жавобан биз ҳам мусобақада қўлимиздан келганича яхши натижаларни қайд этишимиз керак. Насиб қилса, юртимизга ёруғ юз билан қайтмоқчимиз", - дейди Муроджон.

Эслатиб ўтамиз, Аҳмадалиев -56 кг вазн тоифасида ўтган йили Қатарда бўлиб ўтган жаҳон чемпионатида кумуш медални қўлга киритган эди.

Боксчимизга яқинлашиб келаётган Олимпиадада юртимизга олтин медал билан қайтишини тилаб қоламиз!