02 фев 07:22
Янгиликлар
Дзюдо
Муроджон Йўлдошев учун чемпионлик йўлакчаси ФОТОГАЛЕРЕЯ
Хабар берганимиздек, кеча дзюдо бўйича Ўзбекистон терма жамоаси Португалия Гран-присидан қайтиб келганди.
Алмада татамиларида дзюдочиларимиздан биргина Муроджон Йўлдошев ўз вазн (-73 кг) тоифасида олтин медални қўлга киритганди.
Кеча куннинг иккинчи ярмида Ўзбекистон дзюдо федерациясида чемпион шарафига кичик тадбир ташкил этилди. Машғулотларда иштирок этаётган эркаклар ва аёллар терма жамоамиз аъзолари Муроджонни чемпионлик йўлакчаси кўринишида қарши олишди.
Ушбу кичик тадбирда Ўзбекистон миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, раис ўринбосарлари, Илиас Илиадис бошчилигидаги терма жамоа мураббийлари ҳам қатнашиб, чемпионни улкан муваффақият билан табриклашди. Шу ҳафта Париж "Катта Дубулға" турнирида иштирок этадиган қолган дзюдочиларимизга эса омад тилашди.
Ҳавола :
Манба : olamsport.com
Фикрлар