Mutua Madrid Open. Надаль 4 та матчболдан чиқиб кетди

Дунёнинг тўртинчи ракеткаси Рафаэль Надаль учинчи давра учрашувида чиройли камбэкни амалга оширди. Испаниялик теннис юлдузи ATP рейтингида 60-поғонадан жой олган Давид Гоффинни қийинчилик билан мағлубиятга учратди - 6/3, 5/7, 7/6(9).

Уч соату 13 дақиқа давом этган баҳсда Рафаэль 4 та матчболдан чиқиб кетди ва якунда иродали ғалабани тантана қилди. Надаль учрашув давомида 7 та, Давид эса 3 та эйс зарбани амалга оширди. Теннисчиларнинг ўзаро учрашувларида Рафа 5:2 ҳисобида олдинда бормоқда.