02 окт 16:54
Янгиликлар

Бокс/ММА

Мухлисларга ўрта бармоғини кўрсатган UFC жангчиси катта миқдорда моддий жаримага тортилди

Америкалик аралаш якка кураш устаси, ярим ўрта вазн тоифасида UFC жангчиси Брайан Баттл 250 минг АҚШ доллари жарима тўлайди.

У 29 сентябрь тонгида Франциянинг Париж шаҳрида бўлиб ўтган UFC Fight Night 243 турнири доирасида франциялик Кевин Жьюуссе устидан нокаут орқали ғалаба қозонганидан сўнг, аренадаги мухлисларга қарата ўрта бармоғини кўрсатиб, ҳақорат қилган эди.

Воқеага муносабат билдирган UFC уни 250 минг АҚШ доллари миқдорида жаримага тортди.

Шунингдек, Баттлга Франция ҳудудида ўтказиладиган турнирларда иштирок этиш бутунлай тақиқланди.

Маълумот учун, 30 ёшли Брайан фаолияти давомида 13 та жанг ўтказиб, 11 та ғалаба ва 2 та мағлубият қайд этган.