05 дек 10:08
Янгиликлар

Қишки спорт турлари

МХЛда янги клуб, унинг раҳбари лигадаги жой учун 650 млн доллар тўлайди

Миллий Хоккей лигаси иштирокчилари сони яна битта клубга кўпаядиган бўлди.

Дунёнинг энг кучли лигаси ҳисобланган - МХЛда мавсум-2021/2022да яна битта янги клуб ўз иштирокини бошлайди. Шунда лигадаги жами иштирокчи жамоалар сони 32тага етади. Янги жамоанинг аренаси Сиэтл шаҳрида бўлади.

Лига директорлар кенгаши бир овоздан Сиэтл шаҳри жамоасининг МХЛда қатнашишига овоз беришди. Янги клубнинг раҳбари биргина лигадаги ўрни учун 650 миллион доллар тўлайди.

Табиийки, янги клубнинг қўшилиши натижасида дивизиондаги иштирокчилар учун айрим ўзгаришлар ҳам рўй беради. “Аризона” Тинч океани дивизионидан Марказий дивизионга ўтади. Сиэтл шаҳри клуби эса айнан Тинч океани дивизионида “койотлар”нинг ўрнини эгаллайди.