13 фев 12:59
Янгиликлар

Бокс/ММА

Мьянмалик UFC чемпиони илк ҳимоя жангини кимга қарши ўтказиши маълум

Жошуа Ван 11 апрель куни АҚШнинг Майамисида бўлиб ўтадиган UFC 327 турнирида энг енгил вазн тоифасидаги чемпионлик камарини ҳимоя қилади.

Мьянмаликнинг рақиби дивизион рейтингида учинчи ўринни эгаллаб турган япониялик Татсуро Тайра бўлади. Бу ҳақда вазиятдан хабардор манбалар маълум қилди.

Жошуа Ван ўтган йилнинг декабрь ойида дивизионнинг эндиликда собиқ чемпиони Александра Пантожани мағлубиятга учратган эди. Ўшанда жангнинг 26-сониясидаёқ Пантожа тирсагини чиқариб юбориши натижасида баҳс тўхтатилган ва техник ғалаба Ванга берилганди. Бунгача 24 ёшли Жошуа кетма-кет бешта жангда ғалаба қозонган эди.

26 ёшли Татсуро Тайра эса 2024 йилнинг октябрь ойида Брендон Ройвалга ҳакамларнинг айри қарори билан ютқазганди. Кейин эса кетма-кет иккита жангда Юн Сун Парк ҳамда Брендон Моренони муддатидан олдин таслим этган эди. Тайра икки ғалабали серия билан келмоқда.