27 авг 14:10
Янгиликлар
Теннис
Надаль Жоковичнинг US Open'ни ўтказиб юборишига муносабат билдирди
Испаниялик теннисчи Рафаэль Надаль Новак Жокович АҚШ Очиқ чемпионатида иштирок эта олмаслигига ўз муносабатини билдирди.
Теннисчи коронавирусга қарши вакцина олмагани учун АҚШга кира олмайди.
"Агар қоидаларга ўзгартириш киритилмаса, Новак турнирни ўтказиб юбориши ҳақида билгандик. Бу ҳақида бир неча ой олдин гапирилганди.
Фикримча, бу қайғули хабар. Энг зўр ўйинчилар жароҳат ёки бошқа сабаблар туфайли турнирларни ўтказиб юбориши доим ҳафа қилади. Мухлисларга ва турнир ташкилотчиларига оғир. Ўйлашимча, теннисчиларга ҳам қийин. Чунки биз энг зўрлар билан рақобат қилишни истаймиз.
Новак бизнинг спортда сўнгги 20 йилликнинг энг нуфузли ўйинчилардан бири. Шахсан мен учун унинг ўйнамаётганлиги афсусланарли", - деди Надаль.
Ҳавола :
Манба : GoTennis
Фикрлар