18 мар 11:47
Янгиликлар

Теннис

Надалнинг буюк қайтиши давом этади. У ярим финалда!

Индиан-Уэллс "Мастер" турнири ўзининг қизғин палласига кириб улгурди.

Испаниялик теннисчи Рафаэль Надаль Индиан-Уэллсдаги турнирнинг ярим финалига чиқди. 1/4 финал босқичида австралиялик Ник Киргиосни 7:6 (7:0), 5:7, 6:4 ҳисобида мағлуб этди.

Учрашув 2 соат 48 дақиқа давом этди. Бу вақт ичида Надаль 10 та эйсни амалга оширди, 7 бор қўш хатога йўл қўйди ва 2 та брейк-поинтни қайд этди. Киргиос эса 11 та эйс, 5 та қўш хато ва 2 та брейк-поинт қайд этди.

Турнир финалига чиқиш учун Надаль Карлос Алькараз - Кэмерон Норри жуфтлиги ғолиби билан ўйнайди.

Эслатиб ўтамиз, Индиан-Уэллсдаги турнир 20 мартгача давом этади. Турнирнинг умумий мукофот жамғармаси 8,5 миллион долларни ташкил этади.Турнирнинг амалдаги ғолиби Кэмерон Норри ҳисобланади.