Нафасов Бутунжаҳон каратэ федерацияси президенти билан учрашди

Унда Ўзбекистондаги каратэ ривожи, спортнинг ушбу турини оммалаштириш борасида амалга оширилаётган ишлар ҳақида қизғин суҳбат бўлиб ўтди. Ўз навбатида, жаноб Эспиноз Ўзбекистонда нафақат каратэ, балки бутун спорт соҳасида амалга оширилаётган ислоҳотларни кузатиб бораётганини маълум қилди.

Ўзбекистон каратэ Миллий федерацияси раиси Нурхон Нафасов Антонио Эспинозани мамлакатимизга таклиф қилди. Бунга жавобан Бутунжаҳон каратэ федерацияси раҳбари Миллий олимпия қўмитаси президенти Умид Аҳмаджоновга ўз саломини йўллади ва яқин келажакда Тошкентга ташриф буюриб, Ўзбекистонда Марказий Осиё каратэ марказини очиш таклифини билдирди.