“Нагоя Оушенс” ва “Нафит Ал Васат” финалда

Дастлабки баҳсда БАА ва Япония чемпионлари ўзаро ҳисоб-китоб қилишди. Чорак финалда мусобақанинг амалдаги чемпионини мағлубиятга учратган “Нагоя Оушенс” клуби ярим финалда ҳам ғалабани тантана қилди. Кунчиқар юрт жамоаси БААнинг “Дибба Ал Хиссин” клубидан 3:1 ҳисобида устун келди.

Иккинчи ярим финал баҳсида эса Ироқ чемпиони “Нафит Ал Васат” жамоаси Таиланд чемпиони “Чонбури Блювейв”га қарши майдонга тушди. Бу ўйин бироз кутилмаган натижа билан якунланди. Ироқ чемпиони мусобақа мезбонларини 4:1 ҳисобида доғда қолдиришди. “Чонбури” чорак финалда “Олмалиқ” жамоасини худди шу ҳисобда мағлуб этганди.

Клублар ўртасидаги Осиё чемпионати

Ярим финал, 21.07.2016

“Дибба Ал Хиссин” (БАА) – “Нагоя Оушенс” (Япония) 1:3

Бангкок, “Bangkok Arena”

Голлар: К.Абу Зеид 4 – Р.Сакаи 11, Т.Йошикава 19

“Нафит Ал Васат” (Ироқ) – “Чонбури Блювейв” (Таиланд) 4:1

Бангкок, “Bangkok Arena”

Голлар: Қудрат Баҳодори 40, 43, Фарҳод Таваколи 43, Волид Холид Фаҳим 45 – Жирават Соринвичан 16

Четлатишлар: Хапа, Наттавут (иккиси ҳам “Чонбури”)